Jóanis Erik Køtlum nýggjur sjúkrahússtjóri á Landssjúkrahúsinum og forstjóri fyri Sjúkrahúsverkið

30. NOVEMBER 2017

Landsstýriskvinnan í heilsu- og innlendismálum, Sirið Stenberg, hevur gjørt av at seta Jóanis Erik Køtlum í starv sum nýggjan sjúkrahússtjóra á Landssjúkrahúsinum og forstjóra fyri Sjúkrahúsverkið.

Jóanis Erik Køtlum er 51 ára gamal og hevur útbúgving sum Cand. Merc. í búskaparfrøði við fíggjarstýring sum sergrein frá Copenhagen Business School.

Jóanis Erik hevur drúgvar arbeiðs- og leiðsluroyndir á strategiskum støði innan sjúkrahúsverk, m.a. sum sjúkrahússtjóri á Landssjúkrahúsinum, deildarstjóri í Heilsumálaráðnum, virkandi aðalstjóri í Heilsumálaráðnum, og sum stjóri fyri grønlendska heilsuverkið. Jóanis Erik Køtlum hevur umvegis sínar royndir sera stórt innlit í sjúkrahúsverkið og tær avbjóðingar, sum liggja fyri framman í sambandi við, at fráboðað tiltøk í Menningarætlanini skulu setast í verk.

Jóanis Erik Køtlum tekur við starvinum tann 1. januar 2018.

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.