Tríggir nýútbúnir kommunulæknar

1. MARS 2017

Signhild Petersen, Renate Weber Ehlers og Joan Smidt Skibenæs eru júst vorðnar lidnar við útbúgving teirra sum serlæknar í almennum medisini – vanliga nevnt kommunulækni.

Tær hava tikið 4 ½ ára serlæknaútbúgvingina á Landssjúkrahúsinum og hjá kommunulæknaskipanini, har tær hava verið í ymiskum læknaviðtalum runt í landinum, ávikavist á Sandi hjá Dánjal Petur Højgaard, í Miðvági hjá Marjus Dam, í Kollafirði hjá Djóna Joensen, í Tórshavn hjá Turid Petersen, Sten Larsen og Katrin Rubek Nielsen.

Tær hava allar fingið okkurt styttri vikariat úti hjá kommunulækna.

Í Føroyum er útbúgving av serlæknum í almennum medisini skipað í samstarvi millum Landssjúkrahúsið, Kommunulæknaskipanina og Videreuddannelsesregion Øst í Danmark.

Útbúgvingartíðarskeiðið fevnir um ymiskar kliniskar starvstíðir á Landssjúkrahúsinum og í kommunulæknaviðtalu, umframt eina røð av skeiðum v.m. í Danmark og í Føroyum. Í løtuni eru 11 læknar undir útbúgving til kommunulækna. Væntandi verða 2 læknar afturat liðugt útbúnir 31. august í ár.

Landssjúkrahúsið fegnast um verða við til at útbúgva nýggjar kommunlæknar, og hevði í hesum sambandi bjóðað kommunulæknunum til eina hátíðarløtu.

Á myndini síggjast frá vinstru, Signhild Petersen, Renate Weber Ehlers, Johan Jansson, varastjóri á LS og Joan Smidt Skibenæs.

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.