Forstjórin fyri sjúkrahúsverkið byrjaður í starvinum

2. JANUAR 2018

Í dag er Jóanis Erik Køtlum byrjaður í starvinum sum forstjóri fyri føroyska sjúkrahúsverkið og sum stjóri á Landssjúkrahúsinum.
Fyrstu dagarnar fara við innleiðslu, har hann kemur at seta seg inn í leiðsluuppgávur á Landssjúkrahúsinum, fíggjarviðurskifti, hitta depilsleiðslur og vitja á klinisku deildunum. Seinni í mánaðinum er ætlanin at vitja á Klaksvíkar og Suðuroyar Sjúkrahúsi. 

Hóast nýggi stjórin hevur starvast á Landssjúkrahúsinum áður, er nógv at seta seg inn í. Somuleiðis er ein stór uppgáva fyri framman, saman við stjórunum á Klaksvíkar sjúkrahúsi og Suðuroyar sjúkrahúsi, at fáa samskipað alt sjúkrahúsvirksemið í Føroyum. 

Jóanis Erik Køtlum hevur áður arbeitt 15 ár í føroyska heilsuverkinum, bæði á Landssjúkrahúsinum og í Heilsumálaráðnum, og hevur millum annað verið við til at menna Talgildu Heilsuskipanina, sum verður nýtt til skráseting av sjúklingaupplýsingum. Hann kennir tí væl til grundleggjandi KT amboð, sum verður nýtt í sjúkrahúsverkinum.
Harumframt hevur hann starvast sum stjóri fyri samlaða heilsuverkið í Grønlandi.   

Jóanis Erik Køtlum er útbúgvin Cand. Merc. í búskaparfrøði við fíggjarstýring sum sergrein.

Nýggi forstjórin er vorðin evsti stjóri hjá uml. 1100 starvsfólkum í føroyska sjúkrahúsverkinum. 

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.